ತತ್ವಪದ ಸಾಹಿತ್ಯದಲ್ಲಿ ಸಂಸಾರ ಪಥದ ತಾತ್ವಿಕ ವಿವೇಚನೆ

Abstract

ತತ್ವಪದಕಾರರು ತಮ್ಮ ಸಾಹಿತ್ಯದಲ್ಲಿ ವೈರಾಗ್ಯದ ಮಹೋನ್ನತಿಯನ್ನು ತಿಳಿಸಿದ್ದಾಗೆ ಹಾಗೇ ಸಂಸಾರದಲ್ಲಿ ಇದ್ದುಕೊಂಡು ಪಾರಮಾರ್ಥವನ್ನು ಗೆಲ್ಲಬೇಕು ಎಂಬುದು ಹಲವು ತತ್ವಪದಕಾರರ ಅಭಿಪ್ರಾಯವಾಗಿದೆ. ಮಾನವತ್ವದಿಂದ ದೈವತ್ವದೆಡೆಗೆ ಸಾಗಬೇಕು ಅದು ಸಂಸಾರವೆಂಬ ಮಾರ್ಗವನ್ನರಿತು. ತತ್ವಪದಕಾರರಲ್ಲಿ ಗೃಹಸ್ಥರು, ವೈರಾಗಿಗಳು ಕಂಡುಬರುತ್ತಾರೆ. ಸಹಜವಾಗಿ ತತ್ವಪದಗಳು ಸಂಸಾರದ ನಿರಸನವನ್ನು ಪ್ರಪಂಚ ನಶ್ವರತೆಯನ್ನು ಸಾರುತ್ತದೆ. ವಿರಕ್ತಿಯ ತತ್ವವನ್ನು `ಸಂಸಾರವೆಂಬುದೊಂದು ಗಾಳಿ ಸೊಡರು’ ಎಂಬ ತತ್ವದ ಮೇಲೆ ಸಾರಿದರು. ತತ್ವಪದಕಾರರಲ್ಲಿ ಅನೇಕರೂ ವೈರಾಗ್ಯದ ಪ್ರತಿರೂಪವಾದ ಅವಧೂತ, ಆರೂಢ, ಸಿದ್ಧ, ಸೂಫಿ ಪರಂಪರೆಯ ಸಾಧಕರಾಗಿದ್ದರು.