ಹರಿಸೇವೆ__ಮಣೆಸೇವೆಯಲ್ಲಿ ಮಖವಾಡ ಪರಂಪರೆಯ ಪ್ರಭಾವ ಮತ್ತು ಪರಿಣಾಮ

Abstract

ಭಾರತದಾದ್ಯಂತ ಎಲ್ಲ ರಾಜ್ಯಾಡಳಿತ ಪ್ರದೇಶಗಳಲ್ಲೂ ಒಂದಲ್ಲ ಒಂದು ಮೂಲ ಜಾನಪದ ಚಿತ್ರಕಲೆ ಅಥವಾ ಮೂಲ ಸ್ವರೂಪದ ಜಾನಪದ ಕಲೆಯೊಂದು ಇದ್ದೇ ಇರುತ್ತದೆ. ಅದಕ್ಕೆ ವಿವಿಧ ದೃಷ್ಟಿಕೋನಗಳ ಸಾಂಸ್ಕೃತಿಕ ಆಯಾಮವೂ ಇರುತ್ತದೆ. ಕೆಲವೊಮ್ಮೆ ಎರಡಕ್ಕಿಂತಲೂ ಹೆಚ್ಚು ಜಾನಪದ ಕಲಾಪ್ರಕಾರಗಳೂ ಇರುವುದುಂಟು. ಎರಡು ಮೂರು ರಾಜ್ಯಗಳಲ್ಲೂ ಸಹ ಒಂದೇ ತೆರನಾದ ಜಾನಪದ ಕಲಾಪ್ರಕಾರಗಳೂ ಇರುವುದುಂಟು. ಏಕೆಂದರೆ ಈ ಕಲಾಪ್ರಕಾರಗಳು ಹುಟ್ಟಿ ಬೆಳೆದ ಮೇಲೆಯೇ ರಾಜ್ಯಗಳು ಮತ್ತು ಜಿಲ್ಲೆಗಳು ವಿಭಜನೆಯಾಗಿರುವುದು ಇದಕ್ಕೆ ಕಾರಣ. ಕೆಲವೊಮ್ಮೆ ವಿದೇಶಿ ಕಲೆಗಳ ಪ್ರಭಾವವೂ ಈ ಕಲೆಗಳ ಮೇಲೆ ಆಗಿದ್ದು, ಮಿಶ್ರ ಅಂಶಗಳ ಕಲಾತತ್ವಗಳೂ ಕೂಡ ಹುಟ್ಟಿಕೊಂಡಿವೆ.