ಗಡಿನಾಡ ಜನಪದ ಕಲೆಗಳು

Abstract

‘ಕಲೆಗಳು’ ಮನುಷ್ಯ ಜೀವನದ ಮನರಂಜನಾ ಸಾಧನಗಳು. ಪ್ರಾಚೀನ ಮಾನವನ ಬದುಕನ್ನು ಬದುಕಿನ ಜಂಜಡದಿಂದ ಬಿಡುಗಡೆ ನೀಡಲು ಇವು ನೀಡಿರುವ ಸಂತೋಷ ಅಷ್ಟಿಷ್ಟಲ್ಲ. ಆಧುನಿಕ ಸಮೂಹ ಮಾಧ್ಯಗಳಿಲ್ಲದಿದ್ದ ಸಮಯದಲ್ಲಿ ಧರ್ಮಾಚರಣೆ, ಜಾತ್ರೆ, ಉತ್ಸವಗಳ ಸಂದರ್ಭಗಳಲ್ಲಿ ಅನೇಕ ಜನಪದ ಕಲೆಗಳು ಹುಟ್ಟಿಕೊಂಡಿವೆ ಎಂದು ಹೇಳಬಹುದಾಗಿದೆ. ಜನಪದರ ಬಹಳಷ್ಟು ಕಲೆಗಳು ಧರ್ಮಾಚರಣೆಯ ಮೂಲದಿಂದ ಪ್ರೇರಣೆಯಿಂದ ಹುಟ್ಟಿ ಬಂದಿದ್ದರೂ ಎಲ್ಲ ಕಲೆಗಳಿಗೂ ಈ ಮಾತು ಅನ್ವಯಿಸಲಾರದು. ಆಚರಣೆಯ ಧೋರಣೆ ಹೊಂದಿದ್ದರೂ ನಿಧಾನವಾಗಿ ತಮಗರಿವಿಲ್ಲದಂತೆ ಮನರಂಜನೆಯತ್ತ ವಾಲಿದ ಮತ್ತು ಮನರಂಜನೆಗಾಗಿಯೇ ಹುಟ್ಟಿಕೊಂಡ ಕಲೆಗಳ ಪ್ರಮಾಣ ಹೆಚ್ಚಿನದು. ಅವರವರ ಜೀವನ ಶೈಲಿಗಳು, ಭೌಗೋಳಿಕ ಪರಿಸರಗಳು, ಸಾಮಾಜಿಕ ಶ್ರೇಣಿಗಳು ಜನಪದರ ಕಲೆಗಳನ್ನು ರೂಪಿಸಿವೆ. ಅವುಗಳ ವೈವಿಧ್ಯತೆ ಅಗಾಧವಾದುದು. ಇಲ್ಲಿ ಮುಖ್ಯವಾಗಿ ಕೋಲಾಟ, ಭಜನೆಯೆಂಬ ಕಲೆಗಳನ್ನು ಸಾಹಿತ್ಯದ ಹಿನ್ನಲೆಯಲ್ಲಿ ಸಂಶೋಧನೆ ನಡೆಸಲಾಗಿದೆ.