ಮಹಿಳಾ ಕಾದಂಬರಿ: ದಿಟ್ಟ ಮಹಿಳಾ ಪಾತ್ರಗಳ ವಿಶ್ಲೇಷಣೆ

Abstract

ಸಾಹಿತ್ಯವನ್ನು ಗಂಡು ಕಾಣುವ ರೀತಿ ಒಂದು ಬಗೆಯದಾದರೆ ಹೆಣ್ಣು ಕಾಣುವ ಬಗೆ ಇನ್ನೂ ಭಿನ್ನ. ಮಹಿಳೆಯನ್ನು ಕುರಿತು ಗಂಡು ಹಲವು ರೀತಿಯ ಬರವಣಿಗೆ ಮಾಡಿದ್ದರೂ ಸಹ ಹೆಣ್ಣಿನ ಬರವಣಿಗೆಗೆ ತೂಕ ಹೆಚ್ಚು. ಕಾರಣ ಗಂಡು ಹೆಣ್ಣಿನ ವಿಚಾರವಾಗಿ ತಾನು ಕಂಡದ್ದನ್ನು ಬರೆದರೆ, ಹೆಣ್ಣು ಕಂಡದ್ದರ ಜೊತೆಗೆ ತಾನು ಅನುಭವಿಸಿದ್ದನ್ನು ರಚಿಸುತ್ತಾಳೆ. ಹಾಗಾಗಿ ಮಹಿಳಾ ಸಾಹಿತ್ಯವೆಂಬುದು ಅನುಭವಗಳ ಕಡಲು. ಇಲ್ಲಿ ಲೇಖಕಿಯರು ಸಮಾಜದ ಕುರಿತಾದ ತಮ್ಮ ಮಾತುಗಳನ್ನು ತಾವು ರಚಿಸಿದ ಕೃತಿ ಮತ್ತು ಅದರ ಪಾತ್ರಗಳ ಮೂಲಕ ಆಡಿಸುತ್ತಾರೆ. ಅಂತಹ ಪಾತ್ರಗಳಲ್ಲಿ ಕೆಲವು ವಿಭಿನ್ನವಾಗಿ ನಿಲ್ಲುವಂತದ್ದಾಗಿದ್ದು, ಮಹತ್ವಪೂರ್ಣದ್ದಾಗಿರುತ್ತದೆ. ಅವು ಕೆಲವೊಮ್ಮೆ ಕಾದಂಬರಿಯಲ್ಲಿ ಪ್ರಧಾನಪಾತ್ರಗಳು ಆಗಿರದಿದ್ದರೂ ತಮ್ಮ ವ್ಯಕ್ತಿಗುಣದ ಮೂಲಕ ಪ್ರಧಾನವಾಗುತ್ತದೆ ಹಾಗೂ ಪಾತ್ರದ ಮೂಲಕವೇ ಸಾಮಾಜಿಕ ವ್ಯವಸ್ಥೆಯ ರೀತಿ ರಿವಾಜುಗಳಿಗೆ ದಿಕ್ಸೂಚಿಯಾಗಿರುತ್ತವೆ. ಅಂತಹ ನಾಲ್ಕು ಪಾತ್ರಗಳ ಕುರಿತಾದ ಚರ್ಚೆ ಈ ಲೇಖನದ ಸಾರ.